മലപ്പുറം: 67.5 ലക്ഷം രൂപയുടെ കുഴല്‍പ്പണവുമായി മലപ്പുറം സ്വദേശി പിടിയില്‍. മേലാറ്റൂര്‍ വെട്ടത്തൂര്‍ സ്വദേശി സ്രാമ്ബിക്കല്‍ മുഹമ്മദാലിയാണ്(46) ഞായറാഴ്‌ച രാവിലെ കുറ്റിപ്പുറം റെയില്‍വേ സ്റ്റേഷനില്‍ വെച്ച്‌ കുറ്റിപ്പുറം പൊലീസിന്‍റെ പിടിയിലായത്. ചെന്നൈയില്‍ നിന്ന് വേങ്ങരയിലേക്ക് പണം കൊണ്ടു വരികയായിരുന്നു മുഹമ്മദാലി. ചെന്നൈയില്‍ ഹോട്ടല്‍ ബിസിനസ് നടത്തുന്ന വേങ്ങര കച്ചേരിപ്പടി സ്വദേശിയാണ് തനിക്ക് പണം നല്‍കിയതെന്ന് പ്രതി സമ്മതിച്ചതായി പൊലീസ് പറയുന്നു
ഇയാള്‍ മുന്‍പും സമാന കേസില്‍ അറസ്റ്റിലായിട്ടുണ്ട്. കുറിപ്പുറം സി.ഐ ശശീന്ദ്രന്‍ മേലെയിലിന് ലഭിച്ച രഹസ്യ വിവരത്തിന്‍റെ അടിസ്ഥാനത്തിലാണ് കുറ്റിപ്പുറം പൊലീസ് പ്രതിയെ അറസ്റ്റ് ചെയ്‌തത്.
