കോഴിക്കോട്: റേഷന് ലഭിക്കുന്നതിന് സ്മാര്ട്ട് റേഷന് കാര്ഡ് നിര്ബന്ധമില്ലെന്ന് ജില്ലാ സപ്ളൈ ഓഫീസര് കെ.രാജീവ് അറിയിച്ചു.
റേഷന് ലഭിക്കുന്നതിന് സ്മാര്ട്ട് കാര്ഡ് നിര്ബന്ധമാണെന്ന് കാണിച്ച് കാര്ഡുടമകളെ തെറ്റിദ്ധരിപ്പിച്ച് അമിത വില ഈടാക്കി ചില കേന്ദ്രങ്ങള് സ്മാര്ട്ട് റേഷന് കാര്ഡ് പ്രിന്്റ് ചെയ്തു നല്കുന്നതായി ശ്രദ്ധയില്പെട്ടിട്ടുണ്ട്. കാര്ഡുടമകള് സ്മാര്ട്ട് കാര്ഡ് നിര്ബന്ധമായും എടുത്തിരിക്കണമെന്നഉത്തരവ് പൊതുവിതരണ വകുപ്പ് ഇതുവരെ പുറപ്പെടുവിച്ചിട്ടില്ല.
പുസ്തകരൂപത്തിലുള്ള റേഷന് കാര്ഡുകള്ക്കു പകരമായി ആധാര്വലിപ്പത്തിലുള്ള ഇ-റേഷന് കാര്ഡ്, പ്ലാസ്റ്റിക് സ്മാര്ട്ട് റേഷന് കാര്ഡ് എന്നിവയാണ് നിലവില് അനുവദിക്കുന്നത്. സപ്ളൈ ഓഫീസില് വരാതെതന്നെ അക്ഷയ കേന്ദ്രങ്ങള് വഴിയോ വകുപ്പിന്റെ വെബ്സൈറ്റിലെ സിറ്റിസണ് ലോഗിന് വഴിയോ കാര്ഡുടമകള്ക്ക് കാര്ഡുകളുടെ പ്രിന്റെടുത്ത് ഉപയോഗിക്കാവുന്നതാണ്.
ഇ-റേഷന് കാര്ഡിന് 25 രൂപയും പ്ലാസ്റ്റിക് സ്മാര്ട്ട് കാര്ഡിന് 65 രൂപയുമാണ് അക്ഷയകേന്ദ്രങ്ങളില് സര്ക്കാര് നിശ്ചയിച്ച പ്രിന്റിംഗ് ചാര്ജെന്ന് അദ്ദേഹം അറിയിച്ചു.