ഉറങ്ങിക്കിടന്ന മകനെ പെട്രോൾ ഒഴിച്ച് കത്തിച്ചു, അച്ഛൻ ആത്മഹത്യ ചെയ്തു

 തൃശൂർ, ഇരിങ്ങാലക്കുട: ഉറങ്ങിക്കിടന്ന മകനെ പെട്രോൾ ഒഴിച്ച് കത്തിച്ചു, അച്ഛൻ ആത്മഹത്യ ചെയ്തു. മകൻ പരിക്കുകളോടെ രക്ഷപെട്ടു. ഇന്ന് പുലർച്ചേയാണ് സംഭവം. തൈവളപ്പിൽ കൊച്ചാപ്പു ശശിധരനാണ് (73) മരിച്ചത്. മകൻ നിധിൻ വാതിൽ ചവുട്ടിപൊളിച്ച് പുറത്തേക്ക് ഓടി രക്ഷപെട്ടു. കുടുംബ വഴക്കാണ് പ്രശ്നത്തിന് കാരണമെന്ന് കരുതുന്നു.

കിടന്ന് ഉറങ്ങുകയായിരുന്ന നിധിന്റെ മുറിയിലേക്ക് പുറത്ത് നിന്ന് ശശിധരൻ പെട്രോൾ ഒഴിച്ച് തീ കൊളുത്തുകയായിരുന്നു. അപ്രതീക്ഷിതമായ ആക്രമണത്തിൽ ഉറക്കമുണർന്ന നിധീഷ് ഉടൻ വാതിൽ തുറന്ന് രക്ഷപെടുകയായിരുന്നു. തുടർന്ന് കാണാതായ ശശിധരനെ നാട്ടുക്കാരുടെ നേതൃത്വത്തിൽ തിരച്ചിൽ നടത്തിയപ്പോഴാണ് സമീപത്തെ ആളൊഴിഞ്ഞ വീട്ടിൽ തൂങ്ങി മരിച്ച നിലയിൽ കണ്ടെത്തിയത്. ഇരിങ്ങാലക്കുട പോലീസ് സ്ഥലത്തെത്തി മേൽനടപടികൾ സ്വീകരിച്ചു. ശാലിനിയാണ് ശശിധരന്റെ ഭാര്യ.