കോഴിക്കോട്: താമരശ്ശേരി നോളജ് സിറ്റിയിൽ നിർമാണത്തിലിരുന്ന ബഹുനില കെട്ടിടം തകർന്നുവീണു. 15 ഓളം പേർക്ക് പരിക്കേറ്റു. ഒരാളുടെ നില ഗുരുതരമാണ്. നിർമാണത്തൊഴിലാളികൾക്കാണ് പരിക്കേറ്റത്.
രാവിലെ 11.30ഓടെയാണ് അപകടം കുടുങ്ങി കിടന്ന എല്ലാവരെയും രക്ഷപ്പെടുത്തിയതായാണ് വിവരം. കൂടുതൽ പേർ കുടുങ്ങികിടക്കുന്നുണ്ടോയെന്ന് പരിശോധിക്കുന്നതിനായി രക്ഷാപ്രവർത്തനം പുരോഗമിക്കുകയാണ്. നിർമാണത്തിലിരുന്ന ബഹുനില കോൺക്രീറ്റ് കെട്ടിടമാണ് തകർന്നുവീണത്.
പ്രദേശത്തെ നാട്ടുകാരുടെയും ഫയർ ഫോഴ്സിന്റെയും നേതൃത്വത്തിലാണ് രക്ഷാപ്രവർത്തനം.
