തിരൂർ: ഉപ ജില്ല സ്ക്കൂൾ കലോത്സവത്തിന് ഞായറാഴ്ച പുറത്തൂർ ഹയർ സെക്കണ്ടറി സ്ക്കൂളിൽ തുടക്കമാകും. നാലു ദിവസം നീളുന്ന മേള ആറിന് മൂന്നു മണിക്ക് കെ.ടി.ജലീൽ എം.എൽ.എ ഉദ്ഘാടനം ചെയ്യും. കുറിക്കോളി മൊയ്തീൻ എം.എൽ.എ. അധ്യക്ഷത വഹിക്കും.ഇ.ടി.മുഹമ്മദ് ബഷീർ എം.പി. പൊന്നാനി മുഖ്യാതിഥിയാവുമെന്ന്
പത്ര സമ്മേളനത്തിൽ പുറത്തൂർ ഗ്രാമ പഞ്ചായത്ത് വൈസ് പ്രസിഡണ്ട് സുഹറ ആസിഫ്, പ്രചരണ കമ്മിറ്റി ചെയർ പേഴ്സൺ സരസ്വതി ടീച്ചർ, പി.ടി.എ.പ്രസിഡണ്ട് ജി.രാമകൃഷ്ണൻ, പി.ടി.എ. വൈസ്.പ്രസിഡണ്ട് അബ്ദുൾ സലാം എം.വി, ഭക്ഷണ കമ്മിറ്റി ചെയർമാൻ എ.പി. പ്രകാശൻ,എ.ഇ.ഒ. സുനിജ പി, സ്ക്കൂൾ ഹെഡ്മിസ്ട്രസ് ശ്രീകല. പി.എസ്, എച്ച്.എം.ഫോറം കൺവീനർ ഹരീന്ദ്രൻ എ, പബ്ലിസിറ്റി കൺവീനർ എ.സി. പ്രവീൺ, പ്രോഗ്രാം കമ്മിറ്റി കൺവീനർ സജയ് പി, എന്നിവർ പങ്കെടുത്തു.
തിരൂർ മുൻസിപ്പാലിറ്റി, ബ്ലോക്ക് പഞ്ചായത്തുകളിലെ 116 വിദ്യാലയങ്ങളിൽ നിന്നുള്ള നാലായിരത്തോളം കുട്ടികൾ 9 വേദികളിലായി നടക്കുന്ന 341 ഇനങ്ങളിലായി മാറ്റുരയ്ക്കും.
