പൊന്നാനി: അർദ്ധ നഗ്ന ശരീരം പോലും ശക്തമായ സമരായുധമാക്കി ലോകരാഷ്ട്രങ്ങൾ ആരാധനയോടെ ബഹുമാനിക്കുന്ന മഹാത്മാഗാന്ധിജിയുടെ ചരമവാർഷികദിനം ഈഴുവത്തിരുത്തി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ആചരിച്ചു. പൊന്നാനി ചമ്രവട്ടം ജംഗ്ഷനിൽ സംഘടിപ്പിച്ച അനുസ്മരണ യോഗവും, പുഷപാർച്ചനയും പൊന്നാനി ബ്ലോക്ക് കോൺഗ്രസ് വൈസ് പ്രസിഡണ്ട് എ പവിത്രകുമാർ ഉദ്ഘാടനം ചെയ്തു. മണ്ഡലം പ്രസിഡണ്ട് എൻ പി നബീൽ അധ്യക്ഷത വഹിച്ചു. പ്രദീപ് കാട്ടിലായിൽ, സന്തോഷ് കടവനാട്, ഉസ്മാൻ തെയ്യങ്ങാട്, സി ജാഫർ, ആർ വി മുത്തു, സി സോമൻ, കെ ഫസലു, യു രവി എന്നിവർ പങ്കെടുത്തു സംസാരിച്ചു.
