വള്ളിക്കുന്ന്: ഒമിക്രോണ്‍, കോവിഡ്, പകര്‍ച്ചപ്പനി എന്നിവ വര്‍ധിച്ചുകൊണ്ടിരിക്കുന്ന സമയത്ത് ഒരു പ്രതിരോധവും നടത്താതെ വള്ളിക്കുന്ന് പഞ്ചായത്ത് ഭരണസമിതി അനാസ്ഥ കാണിക്കുകയാണെന്ന് ആരോപിച്ച്‌ വള്ളിക്കുന്ന് മണ്ഡലം കോണ്‍ഗ്രസ് കമ്മിറ്റി ഗ്രാമപഞ്ചായത്ത് ഓഫിസിനു മുന്നില്‍ ധര്‍ണ നടത്തി.
സംസ്ഥാന വൈസ് പ്രസിഡന്‍റ് റിയാസ് മുക്കോളി ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്‍റ് സി. ഉണ്ണി മൊയ്തു അധ്യക്ഷത വഹിച്ചു. ബ്ലോക്ക് കോണ്‍ഗ്രസ് പ്രസിഡന്‍റ് പി.
വീരേന്ദ്രകുമാര്‍, പഞ്ചായത്ത് മുന്‍ സ്റ്റാന്‍ഡിങ് കമ്മിറ്റി ചെയര്‍മാന്‍ ഇ. ദാസന്‍, ടി. സന്തോഷ് കുമാര്‍, എം. അശോകന്‍, ഹരിദാസന്‍, അസീസ്, വി.ശശികുമാര്‍, റസാക്ക്, കെ. വേലായുധന്‍ കുട്ടി, കെ. രാജന്‍ എന്നിവര്‍ സംസാരിച്ചു.
