വള്ളിക്കുന്ന്: ബൈക്കില്‍ ഒന്നര വര്‍ഷംകൊണ്ട് ഇന്ത്യ മുതല്‍ 32 രാജ്യങ്ങള്‍ ചുറ്റിക്കറങ്ങാന്‍ ചേലേമ്പ്ര സ്വദേശി ദില്‍ഷാദ് യാത്ര ആരംഭിച്ചു. ചേലേമ്ബ്ര പാറയില്‍ പീടിയേക്കല്‍ ഹുസൈന്‍-ഫാത്തിമ ദമ്ബതികളുടെ മകനാണ് പുതിയ യാത്രക്ക് തുടക്കം കുറിച്ചത്. കേരളത്തില്‍നിന്ന് മുംബൈ വരെ ബൈക്ക് ഓടിച്ചു മുംബൈയില്‍നിന്ന് ദുബൈയിലേക്ക് കപ്പല്‍ മാര്‍ഗം എത്തും.
ദുബൈയില്‍നിന്ന് ഒമാന്‍, സൗദി അറേബ്യ എന്നീ രാജ്യങ്ങളിലൂടെ ചുറ്റിക്കറങ്ങി സൂയസ് കനാല്‍ വഴി ഈജിപ്തിലേക്ക് കടക്കും. തുടര്‍ന്ന് 27 ആഫ്രിക്കന്‍ രാജ്യങ്ങള്‍ കറങ്ങി ലിബിയ വഴി നാട്ടിലേക്ക് മടങ്ങാനാണ് പദ്ധതി.
ശനിയാഴ്ച മലപ്പുറം-കോഴിക്കോട് ജില്ലാതിര്‍ത്തിയിലെ ഇടിമൂഴിക്കല്‍ നിസരി ജങ്ഷനില്‍ പി. അബ്ദുല്‍ ഹമീദ് എം.എല്‍.എ ദില്‍ഷാദിന്റെ ബൈക്ക് യാത്ര ഫ്ലാഗ് ഓഫ് ചെയ്തു. നാട്ടുകാരും സുഹൃത്തുക്കളും ഉള്‍പ്പെടെ നിരവധി പേരാണ് യാത്രയാക്കാന്‍ എത്തിയത്.
