നിലവിലുള്ള കോടതിയുടെ തനിമ നിലനിറുത്തി പ്രകൃതി സൗഹൃദമായാണ് കെട്ടിടം നിര്‍മ്മിക്കുക. ജില്ലയുടെ ചരിത്രത്തില്‍ അതീവ പ്രാധാന്യമുള്ള ഈ കോടതിയില്‍ മുന്‍സിഫ് ആയിരിക്കെയാണ് ഒ.ചന്തുമേനോന്‍ തന്റെ വിഖ്യാത നോവലായ ഇന്ദുലേഖ രചിച്ചത്.
കോടതി പുതിയ കെട്ടിടത്തിലേക്ക് തനിമ ചോരാതെ മാറുന്നതോടെ ചരിത്രവും സംരക്ഷിക്കപ്പെടുമെന്ന് എം.എല്‍.എ കൂട്ടിച്ചേര്‍ത്തു. അടിയന്തരമായി ടെന്‍ഡര്‍ നടപടികള്‍ പൂര്‍ത്തീകരിച്ച്‌ പ്രവൃത്തി ആരംഭിക്കുന്നതിന് ബന്ധപ്പെട്ട ഉദ്യോഗസ്ഥര്‍ക്ക് നിര്‍ദ്ദേശം നല്‍കിയതായും അദ്ദേഹം പറഞ്ഞു
