ആലുവ: വിവാഹവാഗ്ദാനം നല്‍കി പീഡിപ്പിച്ചശേഷം ഒളിവില്‍ പോയ യുവാവ് പിടിയില്‍. മലപ്പുറം പൊന്‍മല ചിറക്കല്‍ പടിഞ്ഞാറേതില്‍ വീട്ടില്‍ ഗഫാര്‍ അഹമ്മദിനെയാണ് (30) ആലുവ ഡിവൈ.എസ്.പി പി.കെ. ശിവന്‍കുട്ടിയുടെ നേതൃത്വത്തിലുള്ള പ്രത്യേക അന്വേഷണ സംഘം അറസ്റ്റ് ചെയ്തത്.
കീഴ്മാട് സ്വദേശിനിയായ യുവതിയുടെ പരാതിയില്‍ ആലുവ സ്റ്റേഷനില്‍ രജിസ്റ്റര്‍ ചെയ്ത കേസിലാണ് അറസ്റ്റ്. കേസ് രജിസ്റ്റര്‍ ചെയ്തതിനെ തുടര്‍ന്ന് ഇയാള്‍ ഒളിവിലായിരുന്നു. സി.പി.ഒമാരായ മാഹിന്‍ ഷാ അബൂബക്കര്‍, മുഹമ്മദ് അമീര്‍ തുടങ്ങിയവരും അന്വേഷണ സംഘത്തിലുണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
