തിരൂര്‍: വയോജനങ്ങള്‍ക്കും ഭിന്നശേഷിക്കാര്‍ക്കുമായി പുറത്തൂര്‍ പൊന്നാനി പുഴയോരത്ത്‌ പാര്‍ക്കും കുട്ടികള്‍ക്കായി നീന്തല്‍ക്കുളവും നിര്‍മിക്കുന്നത് സംബന്ധിച്ച വികസന രേഖക്ക് തിരൂര്‍ ബ്ലോക്ക് പഞ്ചായത്ത് വികസന സെമിനാറില്‍ അംഗീകാരം നല്‍കി.
തിരൂര്‍ നഗരസഭ അതിര്‍ത്തി പ്രദേശത്തെ 15 സെന്‍റ് സ്ഥലത്ത് 1.35 കോടി ചെലവഴിച്ച്‌ സ്പോര്‍ട്സ് കൗണ്‍സില്‍ സഹകരണത്തോടെ സ്വിമ്മിങ് പൂള്‍, 27 ലക്ഷം രൂപ ചെലവില്‍ നെല്‍കര്‍ഷകര്‍ക്ക് കൊയ്ത്തുമെതിയന്ത്രം എന്നിവ നടപ്പാക്കും.
തിരൂര്‍ ബ്ലോക്ക് പഞ്ചായത്ത് ഹാളില്‍ ചേര്‍ന്ന സെമിനാര്‍ ജില്ല പഞ്ചായത്ത് പ്രസിഡന്‍റ് എം.കെ റഫീഖ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്‍റ് അഡ്വ. യു. സൈനുദ്ദീന്‍ അധ്യക്ഷനായി.
ഗ്രാമ പഞ്ചായത്ത് പ്രസിഡന്‍റുമാരായ സി.ഒ ശ്രീനിവാസന്‍ , വി. ശാലിനി, നൗഷാദ് നെല്ലാഞ്ചേരി, സുഹറാബി കൊട്ടാരത്തില്‍, സി.പി കുഞ്ഞുട്ടി, ജില്ല പഞ്ചായത്ത് അംഗങ്ങളായ ഇ. അഫ്സല്‍, ഫൈസല്‍ എടശ്ശേരി, ബ്ലോക്ക് സ്ഥിരം സമിതി അധ്യക്ഷന്മാരായ പി. കുമാരന്‍, ടി. ഇസ്മായില്‍, കെ. ഉഷ, ആസൂത്രണ സമിതി വൈസ് ചെയര്‍മാന്‍ കെ.വി സുധാകരന്‍, എം. അബ്ദുല്ലക്കുട്ടി, സി.പി റംല, ബി.ഡി.ഒ പി.സി സുരേഷ് കുമാര്‍ എന്നിവര്‍ സംസാരിച്ചു.
