മലപ്പുറം: അനധികൃത മത്സ്യബന്ധനം നടത്തിയതിന് പൊന്നാനിയിലും താനൂരിലുമായി മൂന്ന് വള്ളങ്ങള്‍ ഫിഷറീസ് വകുപ്പ് പിടികൂടി. നിരോധിത മത്സ്യങ്ങള്‍ പിടികൂടിയതിനാണ് വള്ളങ്ങള്‍ പിടിച്ചെടുത്തത്. പൊന്നാനിയില്‍ അല്‍ അമീന്‍ വള്ളവും താനൂരില്‍ അല്‍ജാരിയ, അല്‍ മൈന വള്ളവുമാണ് ഫിഷറീസ് അസിസ്റ്റന്റ് ഡയറക്ടര്‍ കെ.ടി. അനിതയുടെ നേതൃത്വത്തിലുള്ള സംഘം പിടികൂടിയത്. മത്സ്യ സമ്ബത്തിന്റെ നാശത്തിന് വഴിയൊരുക്കുന്ന ചെറു മത്സ്യങ്ങളെ പിടികൂടുന്നത് വ്യാപകമായതോടെ ചെറുമീനുകളുടെ മത്സ്യബന്ധനവും വില്‍പ്പനയും ഫിഷറീസ് വകുപ്പ് കഴിഞ്ഞ ദിവസം നിരോധിച്ചിരുന്നു.
കസ്റ്റഡിയിലെടുത്ത വള്ളത്തിലെ ചെറുമീനുകളെ തിരികെ കടലില്‍ കൊണ്ടുപോയി തള്ളി.
എക്സ്റ്റന്‍ഷന്‍ ഓഫീസര്‍മാരായ ഗ്രേസി, അസിസ്റ്റന്റ് എക്സ്റ്റന്‍ഷന്‍ ഓഫീസറായ കെ.പി അംജത്, ഫിഷറീസ് എക്സ്റ്റന്‍ഷന്‍ ഓഫീസര്‍ അരുണ്‍ ഷൂറി , എ.സുലൈമാന്‍ ഇബ്രാഹിംകുട്ടി, റസ്‌ക്യൂ ഗാഡുമാര്‍, കോസ്റ്റല്‍ പൊലീസ് സ്റ്റേഷന്‍ സി.ഐ. രാജ്‌മോഹന്‍ എന്നിവരും സംഘത്തില്‍ ഉണ്ടായിരുന്നു.
