മൂന്നാര്: മൂന്നാറില് 150 അടി താഴ്ചയിലേക്ക് വാഹനം മറിഞ്ഞ് ഗുരുവായൂര് സ്വദേശി മരിച്ചു. 47 കാരനായ വിനോദ് ഖന്നയാണ് മരിച്ചത്. ഒപ്പമുണ്ടായിരുന്ന മൂന്ന് പേര്ക്ക് പരിക്കേറ്റു. മൂന്നാറില് നിന്നും സൂര്യനെല്ലിയിലേക്ക് പോകുന്ന വഴി ലോക്കാട് ഗ്യാപ്പിന് സമീപം നിയന്ത്രണം വിട്ട ഇനോവ കാര് 150 അടിയോളം താഴ്ചയുള്ള കൊക്കയിലേക്ക് മറിയുകയായിരുന്നു.
അപകടത്തില് വിനോദ് ഖന്ന തല്ഷണം മരിച്ചു.പരിക്കേറ്റ മൂന്നു പേര് മൂന്നാര് ജനറല് ആശുപത്രിയില് ചികില്സയിലാണ്. കഴിഞ്ഞ ദിവസം രാത്രിയോടെയാണ് അഞ്ച് പേരടങ്ങുന്ന സംഘം മൂന്നാര് സന്ദര്ശനത്തിന് എത്തിയത്. മാട്ടുപ്പെട്ടി സന്ദര്ശിച്ച് സൂര്യനെല്ലിവഴി കൊളുക്കുമല സന്ദര്ശിക്കുന്നതിന് തിരിക്കുന്നതിനിടെയാണ് അപകടം സംഭവിച്ചത്.
